കോഴിക്കോട് ഭീകരാക്രമണക്കേസില് പ്രതി ഷാരൂഖ് സെയ്ഫിയെ കുടുക്കിയത് മൊബൈല് ഫോണ്. ആക്രമണത്തിനു പിന്നാലെ തന്ത്രപരമായി സ്വിച്ച് ഓഫാക്കിയിരുന്ന മൊബൈല് ഫോണ്, ആക്രമണത്തിനിടെ പൊള്ളലേറ്റിരുന്ന ഇയാള് രത്നഗിരിയിലെ ആശുപത്രിയില് ചികിത്സ തേടിയെത്തിയതിനു തൊട്ട് പിന്നാലെ ഓണാക്കിയിരുന്നു.
അതേസമയം, ഷാരൂഖ് സെയ്ഫി ഷഹീന്ബാഗ് സ്വദേശിയാണെന്ന് സ്ഥിരീകരിച്ചു. ഷാരൂഖിന്റെ ചിത്രം അമ്മയാണു തിരിച്ചറിഞ്ഞത്. നേരത്തെ ഷാരൂഖിനെ കാണാനില്ലെന്നു കുടുംബം പൊലീസില് പരാതി നല്കിയിരുന്നു.
പ്ലസ്ടു വരെ പഠിച്ച ഷാരൂഖിന് അധികം സുഹൃത്തുക്കളുണ്ടായിരുന്നില്ല. ഇയാളുടെ കുടുംബാംഗങ്ങളുടെ ഫോണുകളും ഡയറിയും അന്വേഷണ സംഘം പിടിച്ചെടുത്തിട്ടുണ്ട്. പ്രതിയെക്കുറിച്ച് ആദ്യ സൂചനകള് ലഭിച്ചപ്പോള്ത്തന്നെ ദില്ലി പൊലീസിന്റെ നേതൃത്വത്തിലുള്ള സംഘം ഷഹീന്ബാഗിലെ ഷാരൂഖിന്റെ വീട്ടിലെത്തി അന്വേഷണം നടത്തിയിരുന്നു.
